Testo Tinteiru De Tierra

A las manos resquebraxadas cumo los sucos
que cavaban cuñas azadas de la fame.
a las frentes chenas de sudor llimpiadas
cuños pañuelos rotos de puños cerraos.
vestíos teñíos de ñegru pullu carbón
ñas cocinas chenas de cucharadas de sacrificiu.

a las almohadas que fonon despertadas por alboradas de paya sin granu
ña siembra de gadañas
ños montes d'una posguerra.
a las siestas sin siesta
y a las tardes ñas que la tierra ardiente
recibía un oasis d'augua
de la mesma forma que you los vuesos conseyos.

a las espaldas que facen que güei estea eiquí
intentando pescar las lletras
ñu tinteiru de tierra.

a cada pucheiru de sopas d'ayu.
a cada rabanada de pan caliente n'enviernu
somorguiada ñu cuencu de la lleite que sacádes todos y cada unu de los días
d'ese ganáu que foi
la nómina de los mious estudios.

a cada café con braseiru y palabras,
a cada unu de los instantes que sacades pa mina
y a cada meta peleada cumo m'enseñestes,
sabiendo que'l fracasu nu yía opción.

a todo esto se debe, que cuando me preguntan
en qué espeyu me miro, respuendo:
en mious pás y mious gulicos.?