Testo Dimokransa

Kantàdu ma dimokrasiâ
Ma stàba sukundidu
Ma tudu dja sai na klàru
I nos nos tudu dja bira subidu

Kada um ku si manià
Fla rodondu bira kuadràdu
Kada um ku si tioriâ Poi razom pendi di si làdu

Ti Manel bira Mambîa
Ti Lobu bira Xinbinhu
Ti flànu ta faze majiâ
Ta poi grogu ta bira vinhu

Mintira pom di kada dia
Verdàki ka s'ta kontadu
Nos tudu bira so finjidu
Ku kombérsu di dimagojiâ

Vida bira simplismenti
Konsedju bira ka ta obidu
Tudu é agu na balai fràdu E rialidàdi di oxindiâ

Maioriâ sta tudu kontenti
Ku avontàdi na dimokrasiâ
Flàdu fla ka tem simenti
Dipos di sàbi more é ka nàda

Inglés bem toma si tchom
Sam-Fransisku bira màs sàbi
M-kré odja rostu-nhu Djom
Ta ri ku si kumpadri

Dja skesedu di Pepé Lopi
Bà rabuskàdu Nhu Diogu Gomi
Rasusitàdu Nhu Kraveru Lopi
ka ta konxedu Inàsia Gomi

Ali bem témpu ditàdu-Nhu Nàxu
Ta bira sima jùis di mininu
Gentis djunta grita abàxu
E kabésa ki dja perde tinu.