Testo Li Culura

Li culura su milli pizzuddi
sunnu oru squagghiatu ccu nenti
su paroli e frasi luntani
ca ormai nuddu cchiù senti.
Si li senti dimmi comu sunu
sugnu ranni e un ci sentu bonu
si li senti fammillu capiri,
mentri ridi, fammilli taliari. Li culura su centu luciddi
sunnu un brividu ‘ncapu li spaddi
su lu ventu intra li capiddi
ca ormai nuddu cchiù senti.
Si lu senti dimmi chi ti cunta
ca iu ormai appattavu ‘a sittanta,
si lu senti, ascutalu bonu,
mentri dormi fanni tisoru.
Li culura di lu munnu sanu
li fai tu mentri ti viu vicinu
li culura ca hai intra l’occhi,
l’haiu sunnatu di notti, ogni notti.
Li culura sunu milli cosi
su i paroli ca fannu li frasi,
mentri ridu o parlu sulu su culura ca tinciunu ‘u muru.
Mentri dormi e mentri un ti viu
ogni vota ca mi nni vaju,
è culuri ogni me disiu
di turnari ogni vota ca chiùiu.
Iu sugnu ‘u malatu e tu ‘a malatia
tu si lu passu e iu sugnu la via
iu sugnu ‘u poeta e tu ‘a puisia
iu lu parrinu e tu l’Avi maria.