Testo Hundert Prozänt Hund

Der Herr Schudel mit em Pudel
trifft der Daggel vom Herr Waggel,
und dä wagglet mit em Schwänzli
und der Pudel macht es Tänzli.

Immer schneller goht das, hui!
Der Herr Schudel, dä rüeft:"Pfui!"
Und es schimpft au der Herr Waggel, bellt fasch lüüter als sin Daggel.

Nochär lupft der Pudel ds Bei,
der Herr Schudel, dä rüeft:"Nei!"
Der Herr Waggel findets krass,
sine Turnschue: pudelnass.

Der Herr Schudel wird knütsch bleich,
seit zum Pudel:"So ne Seich!
Tuet mer furchtbar leid, Herr Waggel!"
und stoht voll in Daggel-Gaggel!