Testo Esse

Sta manu sempre tesa,
Chì cundanna l’offesa
Quand’inghjustizia pesa.

Esse

Pè quellu chì palesa,
A lampanella accesa, Sopra l’usciu, appesa.

Esse

Sta spalla chì succore,
U pesu di u dulore,
Quandu fughje l’amore.

Esse

Stu calore umanu,
Chì suprana l’affannu,
Quand’omu hè luntanu.

Esse
Un’alba senza danni,
Per oghje è per dumane,
Chì annega malani.

Esse

Per un’ultima volta
Quella voce rivolta,
Chì chjama à l’accolta

Esse