Testo Familijedach

Hück sin se widder ens all beienei.
Tant Ännie met Anhang, de Jupp kütt allein.
Tant Rosa met Enkel, de Schäng kütt met Frau
un et Zilli mem Mattes, jo dä es miestens blau.
Alles en allem jot 50 Mann
un die fange jetz all an zo sengen an.

Wenn sich de Famillich triff kütt nur von allem et Bess op de Desch.
Dann wed jesonge, jeschwaad un jelaach.
Dat jit en herrlich, herrlich, herrlich -
Dat jit en herrlich lange Naach.
Dat jit en herrlich, herrlich, herrlich -
Dat jit en herrlich lange Naach.

Et Rosa käut Printe, de Hein köpp e Ei,
Tant Traut hät wie emmer jet Natron dobei.
Et vürnehme Nies un de Schäng schlürfen Sekt.
Die 400 Häppcher, jo die sin längs schon weg.
Päuel hät noch jrad en Mettwoosch erwisch,
die loch ungerm Desch zwesche Erdnöss un Chips.

Wenn sich de Famillich triff ...

De Klös sät „Dat Kölsch, dat schmeck ävver jot“,
dobei hä us jlasije Äuelcher lood.
„Ich könnt se bütze, die Bierbrauerei“
sät dropp et Änn un zapp sich noch ein.
Et Käth zeich Brilliante - an jeder Hand 2 -
„Ich hanner noch mieh“ sät et janz neverbei.
De Pänz sin am knaatsche un wulle noh Huss,
do klopp et von unger „No maht entlich Schluss!!“
Mensch, wo die Zick blied, schon Veedel op Ein.
Drum sprich jetz zom Schluß noch ens de Onkel Hein.
„Freut euch des Lebens, nur so hat es Sinn“
Do fällt em de Äsch en et Wingglas erinn.

Wenn sich de Famillich triff ...

... Dat jit en herrlich lange Naach.
Un och de Nohberschaff blief dobei wach.

Un dä Ühm der jück Jebootsdach hätt,
jo dä litt schon zig Veedel op Aach em Bett.