Testo Abdel

Ich heisse Abdel un han hück jehierot
Nit jrad us Liebe eher et su sin mot
Se sachten ich möt widder zeröck
Dröm han ich jehierot es dat nit verröck
Dröm hät hä jehierot es dat nit verröck

Ich ben us Maroccokom vür zwei Johr he her
Studier Germanistik leeven Allah es dat schwer Ich koche jeden Ovend en d´r Kneip nevenbei
Doch für die Jecke an d´r Thek ben ich Ali aus Türkei

Manchmol malloch ich sechs Dach en d´ Woch
Rauch als Moslem Zirette selvs e Kölsch drink ich och
Un rechnet d´r Weet endlich av un mät Schluss
Fahr ich hungsmödkapott met d´r Stroßebahn noh hus

Ich heiße Abdel... Lei lei

En d´r Uni do setz ich dann schlofe fass en
se sage mir Jung dat hät su keinen Senn
Ding Leistung un Note die reichen nit us
Dat wor et Herr Abdel, a´tschüss un noh hus
Ich dun keinem wieh falle keinem zor Laß
ich arbeide, liere weede trotzdem jeschass
Dröm han ich jehierot e Mädche für Jeld
Jetz darf ich he blieve wat dat blos für´n Welt

Ich heiße Abdel.... Lei lei

Doch wä weiß wat weed
Us mir in dem Mädche
Well Alaah och drop steit
Un d´r leeve Jott o.k. sät
Wenn jeder jet dran deit
Lei lei lei