Testo Usjebomb

Usjebomb un afjebrannt,
nur Schutt un Dreck am Stroßerand
D'r Kreech wor us, un keiner woß,
ob et noch wiggerjeht
Ävver irjendwie jing et dann doch,
un wenn et sin moht, en enem Kellerloch
E besje Laache holv jet drövver weg,
kumm denk ens dran zoröck
Un fier d'r Fastelovend noch ens su
wie vür veezich Johr


Muckefuck un Rövekruck
vum schwatze Maat met heimjebraat
Op Hamsterfahrt em Vürjebirch,
ne Teppich jäjen Woosch jetuusch
Om Neppeser Bahnhoff Klütte jekläut,
flöck noh Hus un en d'r Ovven jedäut
Dä Schmitz nevvenan hät schwatz jebrannt,
un wenn d'r Schmitz dat hück noch weiß...

dann fier d'r Fastelovend noch ens su...
Stöck für Stöck un Stein für Stein
kohm Kölle widder op d'r Bein
Trömmerfraue die stunten dann
trotz Hunger ihre Mann
De Nohber kohm us d'r Jefangenschaff heim
un zum eetzte Mol do soh hä singe Klein
E Foto vun domohls litt hück en d'r Kess
wie schnell mer doch verjiss....


Dröm fier d'r Fastelovend noch es su