Testo Gsehsch Dert D Stärne  

Testo Gsehsch Dert D Stärne  

Lueg emal dert ufe, gsehsch dert d Stärne Gsehsch dr Mond, wo silberig ufgeit U du machsch gopfridstutz e so ne Lärme Wülls nid geng so wi s du gärn hättisch geit Lueg emal dert ufe, gsehsch dert d Sunne Wo sit Jahrmillione jede Tag am Himmel steit U du arme Tropf meinsch, wüll dir öppis syg misslunge Dass d Wält wäge däm amänt no undergeit Ja du und ig, my Fründ, sy mer nid z erbarme Hei grossi Plän u wette weis nid was Mir zwe Löle gryffe nach de Stärne Derby hätte mer s hie unger doch ganz baas Lueg emal dert ufe, gsehsch di Wulke schwümme Ja, die entspricht scho ender üsem Naturell Es Bitzeli Wind u scho git s se nümm meh Aber d Stärne lüchte nach wi vor no hell Ja, mir zwe, mir sy Gescht im e Theater U für kene git s es Duurabonnomänt Da nützt is o kes Heepe u Pralaage We dr Vorhang gheit, isch ds Stück für alli z Änd Bis zfride, wenn im Strudel chly chasch stüüre U we chasch fröhlech sy, bis o fröhlech i dr Not U wenn d Dimensione schynsch z verlüüre De lueg mal ufe u si chöme wider i ds Lot
Testi Peter Reber