Testo Ex, Hopp & Weg

Beim eezte Mohl daach ich:
Dat kann nit sinn,
denn su en Engel wie du kumm sons nie he rinn.
Obwohl dä Schmal noch saat:
Jung, dat hätt keine Zweck.
Dä Schoss ess nix für dich, loss bloß ding Finger weg.

Für dich sinn Männer nix als Zeitvertreib ex,hopp un weg, dat wohr et, vorbei!

Du hatts en janze Hääd Name en dämm kleine Booch.
Hann bahl ne Herzinfarkt jekräje, als ich et opschlooch.
Ich sooch die Name vum Effendi un vum Steff op einer Sick
un dä vum Major - ungerstriche - un zwar ruut un deck.

Für dich sinn Männer nix als Zeitvertreib
ex,hopp un weg, dat wohr et, vorbei!

Hann dich verzweifelt ahnjeroofe,
stündlich sechzischdausendmohl.
Ich benn de Wäng eropjelaufe,
moht beinoh en et Spidohl.
Ich hann ding Fründinne jefrooch, wo du dich römmdrievs, wo du ding Ködere usswirfs, ahn wämm du dich vergriefs.
Für dich sinn Männer nix als Zeitvertreib,
ex, hopp un weg, dat wohr et, vorbei!