Testo E' Nnato

Dint'a na barracca , a acqua e viento
Sott'è cartune, co male tiempo,
ca famma, co friddo, chine è paure,
nisciuno na mane, proprio nisciuno.

E' NNATO ! E' NNATO !

'Ncopp'a nu marciappiede, chin'è fummo Tra llucche e strille na varca a funno,
areta a' nu furgone ca purtave è surdate,
sott'à na tenda, mmiez'è sfullate,

E' NNATO ! E' NNATO !

Pietà sott'à stu cielo, sanghe fracete e veleno,
paure cuccate a'ppiere, annascunnute annanz'à nu vrasiere,
pietà, quartiere abbandonate, sciugliute ajere mmiez'è panne spase,
uommene ch'è zzan'afora, arruciuliate dint'ò surore

E' NNATO ! E' NNATO !

Ca resistenza, ca ribbellione, ca cammis'è forza
Mmiez'à na rivoluzione, dint'à na stragge, sott'à n'incendie,
sott'è massacre e è bumbardamente,

E' NNATO ! E' NNATO !

Pietà, senza famiglia, né ccasa, né terra, nemmeno nu ciore
Ggente felice surtante, pecchè nun sente cchiù dulore
Pietà, nott'è malammore, juorne marchiate a ffuoco,
viente fance partì, scuscianno a poco a poco.

E' NNATO ! E' NNATO !

Pietà, carcere ò scure, fierre arrugginite e scarrafune,
appevvuje sti mmane aizate, avasciate sti cannune,
Pietà si ò ddice ò Sole, lacreme perze mmiez'à via
Vasate è piere è stu munno, stelle vicine ò core è Ddio.

E' NNATO ! E' NNATO !